Հունիսի 10-ին Կապանում Ռուսաստանի գլխավոր հյուպատոսության բացման նպատակով գործող ՌԴ ԱԳՆ առաջատար խմբի դիվանագետները մասնակցել են Հայաստանի Հանրապետությունում ՌԴ Անվտանգության դաշնային ծառայության (ԱԴԾ) Սահմանապահ վարչության 127-րդ Մեղրու սահմանապահ ջոկատի կազմավորման 71-ամյակին նվիրված հանդիսավոր միջոցառումներին։
Միջոցառման ընթացքում առաջատար խմբի ղեկավար Վ. Ա. Չերտկովը Մեղրու սահմանապահ ջոկատի հրամանատարին է փոխանցել Հայաստանում Ռուսաստանի դեսպան Սերգեյ Կոպիրկինի շնորհավորական ուղերձը։
Ուղերձում ընդգծվել է Մեղրու սահմանապահների նշանակալի ներդրումը Հայաստանի պետական սահմանների անվտանգության ապահովման գործում։ Ռուս զինծառայողներին փոխանցվել են երախտագիտության խոսքեր՝ անբասիր ծառայության, մասնագիտական պարտքին նվիրվածության և պատասխանատու աշխատանքի համար, ինչպես նաև մաղթանքներ՝ առողջություն, բարեկեցություն և խաղաղ երկինք։
Ռուս դիվանագետներն ու Մեղրու սահմանապահ ջոկատի անձնակազմը նաև ծաղիկներ են խոնարհել սահմանապահ հերոսների հուշարձանին՝ հարգանքի տուրք մատուցելով ծառայության ընթացքում զոհված սահմանապահների հիշատակին։