Ռուս-ուկրաինական պատերազմը Ալեսյա Բերենդեյեւային ու ամուսնուն բերել է Վրաստանի Բորժոմիի շրջանի Չիտախեւի գյուղ, այստեղ են մի քանի օր, բայց արդեն հասցրել են գտնել իրենց սիրելի զբաղմունքը, որի մասին երկար են երազել: Ինքն ու ամուսինը մասնագիտությամբ գիդ են, աշխատել են ոլորտում երկար ժամանակ, ու հենց դա էլ նպաստել է ուսումնասիրել Վրաստանն ու գտնել հոգեհարազատ անկյուն: Ալեսյայի խոսքով՝ հարեւանները գալիս, համտեսում ու խորհուրդ տալիս, որոնք ի վերջո ընդունվում են, Ալեսյան կատակում է՝ տպավորություն է, թե Վրաստանում ամեն երկրորդը գրպանում գինու բաղադրություն ու գործարան ունի: Իրենք այստեղ երկու տեսակ գինի են արտադրում՝ սպիտակ եւ կարմիր: