Եվրախորհրդի Նախարարների կոմիտեն այսօր սկսել էր կազմակերպությանը Ռուսաստանի իրավունքների կասեցման ընթացակարգը։ Այդ մասին Twitter-ում գրել էր Լեհաստանի վարչապետ Մատեուշ Մորավեցկին։
Եվրախորհրդի Նախարարների կոմիտեն նույն օրը որոշել է Ռուսաստանի Դաշնությանը բացառել կազմակերպությունից՝ հայտնել է Իտալիայի ԱԳՆ ղեկավարը։
Ավելի ուշ տարածված Նախարարների կոմիտեի հայտարարության մեջ նշվում է, որ դադարեցվում են ՌԴ իրավունքները Նախարարների կոմիտեում և ԵԽԽՎ-ում, սակայն Ռուսաստանը շարունակում է համարվել դրա անդամներից և կոնվենցիաների կողմերից մեկը: Փաստաթուղթը նաև շեշտում է, որ Մոսկվայի իրավունքների կասեցումը ժամանակավոր միջոց է, և նրա հետ կապի խողովակները պահպանվում են:
ԵՄ երկրներն էլ պայմանավորվել են պատժամիջոցների ցանկում ներառել ՌԴ նախագահ Վլադիմիր Պուտինին և արտգործնախարար Սերգեյ Լավրովին։ Կսառեցվեն նրանց բանկային հաշիվները, սակայն արգելք չի մտցվի նրանց ուղևորությունների վրա՝ ասել է Ավստրիայի կանցլեր Կարլ Նեհամերը։