Ռուսաստանը պաշտոնապես հայտարարեց Թուրքիայի հետ ավիափոխադրումները սահմանափակելու մասին

Ռուսաստանը կսահմանափակի ավիափոխադրումները Թուրքիայի և Տանզանիայի հետ կորոնավիրուսի տարածման աճի տեմպերով պայմանավորված: Այս մասին պաշտոնապես հայտարարել է ՌԴ փոխվարչապետ տատյանա Գոլիկովան՝ հավելելով, որ եթե այդ երկրներում համավարակային իրավիճակը կայունանա, թռիչքները կվերսկսվեն:

Սահմանափակումները կգործեն ապրիլի 15-ից մինչև հունիսի 1-ը: ՌԴ կառավարությունը խորհուրդ է տվել տուր-օպերատորներին դադարեցնել դեպի Թուրքիա ուղեգրերի վաճառքը:

Գոլիկովան տեղեկացրել է, որ Թուրքիայում մնացած ՌԴ քաղաքացիները կկարողանան հայրենիք վերադառնալ չարթերային չվերթներով կամ շարունակել հանգիստը մինչև նշանակված թռիչքի օրը:

Վերջին մի քանի շաբաթների ընթացքում Թուրքիայում աճում է կորոնավիրուսով վարակված քաղաքացիների թիվը: Գոլիկովայի խոսքով՝ կորոնավիրուսային դեպքեր ամենաշատը հենց Թուրքիայից է Ռուսաստան բերվել:

Related posts

Պակիստանում ռազմական ավտոշարասյան վրա ահաբեկչական հարձակման հետևանքով 16 մարդ է զոհվել

Աշտարակ-Գյումրի ավտոճանապարհին մեքենաներ են բախվել. կա 4 տուժած

7 քար փառատոնը՝ Նոր կյանքում, նոր շնչով