Aysor.am:Ռուսաստանը կապի մեջ է Թուրքիայի հետ Լեռնային Ղարաբաղում տիրող իրավիճակի վերաբերյալ, լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, փոխանցում է «Интерфакс»-ը:
«Երեկ Արտաքին գործերի նախարարության միջոցով շփումներ են եղել Անկարայի հետ», – ասել է նա:
Պատասխանելով հարցին՝ Ռուսաստանի նախագահ Վլադիմիր Պուտինը նախատեսո՞ւմ է շփումներ ունենալ իր ադրբեջանցի պաշտոնակից Իլհամ Ալիևի հետ, Պեսկովը նշել է. «Անհրաժեշտության դեպքում դրանք, իհարկե, կկայանան»:
Միաժամանակ նա հիշել է, որ նախորդ օրը Ռուսաստանի արտգործնախարար Սերգեյ Լավրովը հեռախոսազրույցներ է ունեցել Ադրբեջանի, Հայաստանի և Թուրքիայի արտաքին գործերի նախարարների հետ, իսկ Պուտինը նախօրեին հեռախոսազրույց է ունեցել վարչապետ Նիկոլ Փաշինյանի հետ: