Ռոսկոմնադզորը Telegram-ին ուղարկել է պահանջ, համաձայն որի՝ մեսենջերի ադմինիստրացիան պետք է հեռացնի Ռուսաստանում արգելված սթիքերների փաթեթները։ Այս մասին հայտնում է ՏԱՍՍ-ը՝ հղում անելով ՌԿՆ մամուլի ծառայությանը։
Դատարանի որոշման հիման վրա Ռոսկոմնադզորը նշված ինտերնետային էջերը ներառել է արգելված տեղեկատվության միասնական ռեեստրում և հոսթինգի ու ինտերնետ-ռեսուրսի սեփականատիրոջը ծանուցում ուղարկել՝ արգելված բովանդակությունը հեռացնելու պահանջով։
Ռոսկոմնադզոր
Եթե Telegram-ը հրաժարվի կատարել պահանջը, ապա այն կարող է տուգանվել մինչև 4 միլիոն ռուբլու չափով։ Ներկայումս Telegram-ի ընդհանուր տուգանքների գումարը Ռուսաստանի Դաշնության օրենսդրության խախտման համար կազմում է 94,5 միլիոն ռուբլի։
2025 թվականի մարտի 12-ին Կիրովի մարզի Զուևսկի շրջանային դատարանը արգելված է ճանաչել Telegram-ի երկու սթիքերների փաթեթ, քանի որ դրանք պարունակել են նացիստական խորհրդանիշներ և ատրիբուտիկա։ Ավելի ուշ հայտնի դարձավ, որ 2025 թվականին արգելքի տակ է հայտնվել 33 սթիքերների փաթեթ։
Պետդումայում կարծում են, որ Telegram-ը հազիվ թե արգելափակվի Ռուսաստանում սթիքերների պատճառով։ Սակայն պատժամիջոցները կարող են անդրադառնալ հենց օգտատերերի վրա։ Արգելված սթիքերների օգտագործումը հավասարեցվում է ծայրահեղական նյութերի տարածմանը և ենթադրում է վարչական պատասխանատվություն (տուգանք՝ մինչև 3000 ռուբլի)։