Ռեալը գլխավորել է աշխարհի ամենաշահութաբեր ակումբների վարկանիշը

Deloitte աուդիտորական և խորհրդատվական ընկերությունը հրապարակել է տարեկան հաշվետվություն եվրոպական ակումբների եկամուտների վերաբերյալ՝ հիմնված 2022/2023 մրցաշրջանի արդյունքների վրա։ Deloitte Football Money League վարկանիշային աղյուսակում ներկայացված են աշխարհի 20 ֆուտբոլային ակումբները, որոնք ամենաշատ եկամուտն են ստեղծել 2022/2023 մրցաշրջանում։

Մադրիդի «Ռեալը» 2017/2018 մրցաշրջանից հետո առաջին անգամ վերադառնում է վարկանիշային աղյուսակի առաջին հորիզոնական՝ 831 միլիոն եվրոյի ռեկորդային եկամուտով՝ 118 միլիոն եվրոյով ավելի, քան նախորդ տարի:

Նրան հաջորդում են «Մանչեսթեր Սիթին» (826 միլիոն եվրո), «Պարի Սեն Ժերմենը» (802 միլիոն եվրո), «Բարսելոնան» (800 միլիոն եվրո) և «Մանչեսթեր Յունայթեդը» (746 միլիոն եվրո):

Նշենք, որ «Պարի Սեն Ժերմենը» առաջին անգամ մտավ լավագույն եռյակ։ Անցած տարվա վարկանիշային աղյուսակի 7-րդ տեղից «Բարսելոնան» բարձրացել է։ «Լիվերպուլը», Մադրիդի «Ատլետիկոյի» և «Վեսթ Հեմի» հետ միասին, գրանցել է եկամուտների անկում նախորդ վարկանիշի համեմատ: