Հայաստանում Ռուսաստանի դաշնության դեսպանատունը տեղեկացրել է, որ 2023 թվականի հոկտեմբերի 5-ին Մեղրիում կայացել է ՌԴ ԱԳՆ առաջատար խմբի ղեկավարի հանդիպումը Մեղրիի քաղաքապետի հետ՝ Կապանում ՌԴ գլխավոր հյուպատոսության բացման հարցով:
«Քննարկվել են Սյունիքի մարզում Ռուսաստանի նոր հյուպատոսական հիմնարկի բացման հեռանկարները, ինչը մեծապես կհեշտացնի հյուպատոսական ծառայություններից օգտվելու հնարավորությունը Հայաստանի հարավում բնակվող ՌԴ քաղաքացիների համար»,- նշված է հաղորդագրությունում։
Բացի այդ, նշվել է, որ նոր գլխավոր հյուպատոսությունը կնպաստի ռուս-հայկական հարաբերությունների հետագա ամրապնդմանը և տարածաշրջանում իրավիճակի կայունացմանը, ինչպես նաև կնպաստի մշակութային-հումանիտար, առևտրատնտեսական և միջտարածաշրջանային համագործակցության ընդլայնմանը: