Ռուսաստանի նախագահ Վլադիմիր Պուտինը ռուսաստանյան էներգետիկ ընկերություններին կոչ է արել պատրաստ լինել նավթային էմբարգոյին, որը սահմանվել է Եվրամիության պատժամիջոցների նոր փաթեթով: Այս մասին նախագահը հայտարարել է ՌԴ կառավարության անդամների հետ խորհրդակցության ժամանակ:
Պուտինի խոսքով՝ Մոսկվայի դեմ շարունակվող պատժամիջոցները կարող են հանգեցնել եվրոպացիների համար էներգակիրների աղետալի թանկացման:
«Այս ամենը ևս մեկ անգամ ապացուցում է, որ Ռուսաստանի նկատմամբ պատժամիջոցներն ու սահմանափակումները շատ ավելի մեծ վնաս են հասցնում դրանք սահմանող երկրներին»,- հայտարարել է Կրեմլի ղեկավարն ու ընդգծել, որ պատժամիջոցների հետևանքներն առաջիկայում աղետալի են լինելու: