Ռուսաստանի նախագահ Վլադիմիր Պուտինը խորհրդակցություն է անցկացրել երկրի անվտանգության խորհրդի մշտական անդամների հետ՝ Մերձավոր Արևելքում իրավիճակի սրման ֆոնին: Այդ մասին հայտնել է ՌԴ նախագահի մամուլի քարտուղար Դմիտրի Պեսկովը։
Խորհրդակցությունը տեղի է ունեցել տեսակոնֆերանսի ձևաչափով: Պեսկովի խոսքով՝ հանդիպման ընթացքում քննարկվել է Իրանի շուրջ ստեղծված իրավիճակը:
Իտալիայի վարչապետ Ջորջիա Մելոնին էլ կառավարության արտահերթ նիստ է անցկացրել, երբ կառավարությունը հաստատել է Քուվեյթում երկրի ռազմաբազայի վրա հարձակումը, որտեղ գտնվում է 300 զինծառայող: Իտալիայի կառավարությունը հաստատել է, որ հարձակման հետևանքով տուժածներ չկան: