ԱՄՆ նախագահ Դոնալդ Թրամփը ուղերձ է հղել ապրիլի 24-ի կապակցությամբ: Դրանում ասված է․
«Այսօր հիշում ենք Մեծ Եղեռնը և ոգեկոչում ենք նրանց հիշատակը, որոնք տուժել են 20-րդ դարի սարսափելի աղետներից մեկից: 1915 թվականից մեկուկես միլիոն հայեր աքսորվել և սպանվել են Օսմանյան կայսրությունում: Հիշատակի այս օրը մենք կրկին Ամերիկայի մեծ հայկական համայնքի և աշխարհի հայերի հետ ենք ու սգում ենք բազմաթիվ կյանքերի կորուստը: Ամեն տարի ապրիլի 24-ին վերաիմաստավորում ենք ամերիկացի և հայ ժողովուրդների ամուր և հարատև կապերը։ Այս օրը ողբերգության դեմ հայ ժողովրդի ուժի և տոկունության ևս մեկ ապացույց է: Բախտավոր ենք, որ այդքան շատ հայեր իրենց հարուստ մշակույթը բերել են մեզ մոտ և այդքան մեծ ներդրում են ունեցել մեր երկրում: Իմ վարչակազմը հավատարիմ է կրոնական ազատության ապահովմանը և խոցելի խմբերի պաշտպանությանը: Պատրաստակամ ենք՝ շարունակելու Հայաստանի հետ ռազմավարական գործընկերությունը և պահպանելու տարածաշրջանային կայունությունը: Միացյալ Նահանգները ձգտում է բարգավաճման և անվտանգության»: