Հոկտեմբերի 31-ին Գյումրու «Հոկտեմբեր» կինոթատրոն էին շտապում շատերը, սակայն այս անգամ ոչ թե ֆիլմ դիտելու, այլ պատվաստվելու: ՀՀ առողջապահության նախարարության նախաձեռնությամբ, Հայկական Կարմիր խաչի ընկերության եւ «Գյումրի» բժշկական կենտրոնի հետ համագործակցությամբ՝ «Պատվաստումների օր Գյումրիում» խորագրով միջոցառման շրջանակներում ցանկացողները հնարավորություն ունեցան պատվաստվելու իրենց նախընտրած եւ հանրապետությունում առկա պատվաստանյութով ՝ «Մոդերնա», «ԱստրաԶենեկա», «Սպուտնիկ-Վի», «Սինոֆարմ»։