Պայթյուն է տեղի ունեցել Ադրբեջանի պաշտպանական արդյունաբերության նախարարության գործարաններից մեկում։
Շիրվան քաղաքում գտնվող հավաքման ձեռնարկությունում զինամթերքի պայթյունի հետևանքով մեկ բանվոր մահացել է, մյուսը տարբեր աստիճանի վնասվածքներով տեղափոխվել է Շիրվանի կենտրոնական հիվանդանոց:
Փաստը հետաքննվում է: Մահացած ու վիրավոր քաղաքացիները Շիրվանի բնակիչներ են:
Ձեռնարկության գործունեության հիմնական ուղղություններն են հատուկ նշանակության արտադրանքի, կապի սարքավորումների, ընդհանուր սպառման ապրանքների ստեղծում, կատարելագործում և արտադրություն: