Ուկրաինան ոտքի կանգնեց Ռուսաստանի լայնամասշտաբ հարձակումից հետո։
Այս մասին ֆեյսբուքյան իր էջում գրել է Ուկրաինայի նախագահ Վլադիմիր Զելենսկին։
«Ուկրաինան կարողացավ աշխարհը համախմբել ազատության համար պայքարի շուրջ։ Ուկրաինան կարողացավ ազատագրել տարածքների զգալի մասը, որտեղ մտել էին ռուսական զորքերը։ Ուկրաինան ազատում է մարդկանց ռուսական գերությունից։
Իսկ Ուկրաինան կարողացավ փոխել պատերազմի ընթացքը, ուստի յուրաքանչյուր զավթիչ զգաց, որ մենք գնում ենք դեպի հաղթանակ»,-նշել է ն։
Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:
ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։
Գերագույն Ռադան Ուկրաինայում ռազմական դրություն է մտցրել։