Ուկրաինայի վարչապետը հայտնել է, որ ռուսական ավիահարվածների հետևանքով երկրի ջերմաէլեկտրակայանների 73 տոկոսն ավերվել կամ վնասվել է: Դենիս Շմիհալի խոսքով՝ այժմ կայանների միայն 27 տոկոսն է գործարկվում:
Պաշտոնյան հավելել է, որ նախարարների կաբինետն աշխատում է ենթակառուցվածքների վերականգնման ուղղությամբ, որ ձմռանը խնդիրներ չառաջանան։ Կառավարությունը նաև նախատեսում է հանել էներգիայի արտադրության և պահեստավորման ապրանքների համար սահմանված ներմուծման մաքսատուրքերը և ավելացված արժեքի հարկը: