Գյումրիի նախնական ընտրություններին մասնակցած քաղաքապետի պաշտոնակատարի թեկնածու Դավիթ Առուշանյանը «Ֆեյսբուք»-ի իր էջում գրառում է կատարել՝ անդրադառնալով քաղաքում անցկացված նախնական ընտրություններին և շնորհավորելով ընտրված թեկածուին՝ Սարիկ Միասյանին:
«Իմ սիրելի´ համաքաղաքացիներ,
ուզում եմ իմ խորին երախտագիտությունը ևս մեկ անգամ հայտնել յուրաքանչյուր քվեի համար, վստահության ու հավատի:
Բազմիցս ասել եմ, որ Գյումրիում թեկնածու լինելը լուրջ փորձություն է, որ պետք է հաղթահարել գործով ու հետագծով:
Եվս մեկ անգամ համոզվեցի, որ ձեր լուրջ ու փաստարկված աջակցությունն ունեմ:
Շնորհակալ եմ այդ համոզմունքը ինձ տալու համար:
Շնորհակալ եմ նաև բոլոր այն քվեների համար, որոնք ուղղել եք իմ մյուս թիմակիցներին:
Ուզում եմ շնորհավորել ու իմ ամբողջական աջակցություն հայտնել Սարիկ Մինասյանին, վստահ եմ` աշխատանքը կլինի հանուն գյումրեցու շահի:
Այդ ծանր գործին պատրաստ եմ բերել իմ լիարժեք աջակցությունը»,- գրել է Առուշանյանը:
Հիշեցնենք՝ Գյումրիում նախնական ընտրապայքարն ավարտված է: Փրայմերիզը հասել է վերջնագծին և դեկտեմբերի 10-ին ամփոփվել են եռօրյա ընտրության արդյունքները:
Քվեաթերթիկների հաշվարկի արդյունքում ստացած 253 քվեով Գյումրու քաղաքապետի ժամանակավոր պաշտոնակատար է դարձել ՄՍԾ Գյումրու տարածքային կենտրոնի տնօրեն, ներկա պահին անկուսակցական Սարիկ Մինասյանը: