Հոկտեմբերի 25-ին Ապարանի բաժնի համայնքային ոստիկաններն ապօրինի թմրաշրջանառության վերաբերյալ տվյալներն օպերատիվորեն իրացրին։ Ըստ տեղեկությունների՝ Երնջատափ գյուղի մի բնակիչ հողամասում կանեփ է աճեցնում։ Տեղեկությունները ստուգվեցին ու հաստատվեցին։ Նախաձեռնված քրեական վարույթի շրջանակում 48-ամյա տղամարդու բնակության հասցեի խուզարկությամբ հայտնաբերվել են 70 գրամից ավելի մարիխուանա, մոխրացած հետքերով կաթուցիչ, կանեփի բույս։ Կազմված փաստաթղթերն ուղարկվել են տարածքային քննչական վարչություն։ Հանգամանքները նախաքննությամբ պարզվում են։
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: