Շիրակի մարզի Ախուրյան խոշորացված համայնքի Կամո բնակավայրում բուռն շինարարություն է ընթանում: Երեք տասնամյակ Շիրակ բնակավայրից Կամո տանող ճանապարհը հիմնանորոգում չէր տեսել: Այժմ համաշխարհային բանկի միջոցներով ամբողջովին կվերանորոգվի ճանապարհը:
Գյուղ տանող 4 կմ երկարությամբ ճանապարհից բացի, այս ծրագրով կհիմնանորոգվի նաեւ միջհամայնքային՝ 1600 մետր երկարությամբ ճանապարհը: Աշխատանքի արժեքն ամբողջությամբ շուրջ մեկ միլիոն դոլար է: