«Շիրակ» ֆուտբոլային ակումբի գրեթե տասնյակ թիմ մասնակցում է Հայաստանի տարբեր տարիքային պաշտոնական առաջնություններին, սակայն ակումբի ղեկավարությունը չի սահմանափակվում այսքանով: Մարզիչ Արտյոմ Հակոբյանը ձեւավորել է սկսնակների՝ 7-8 տարեկանների թիմ, որն առայժմ զբաղված է գնդակի հետ դու-ով խոսելով: Ընդամենը տասը օր է, ինչ դեռահասների այս թիմը մարզվում է ֆուտբոլի ակադեմիայի հարմարավետ մարզադաշտերից մեկում, իսկ փորձառու մասնագետը փորձում է տեսնել այն ֆուտբոլիստներին, որոնք առաջիկայում ձեւավորելու են հիմնական կորիզը: