Ոստիկանությունը շարունակում է հետևողական պայքարը ապօրինի թմրաշրջանառության դեմ: Մարտի 1-ին Շիրակի պարեկները Ազատան բնակավայրում հայտնաբերել են ապօրինի թմրանյութ պահող և օգտագործող մի տղամարդու: Գյումրիի 51-ամյա բնակիչը ձերբակալվել ու տեղափոխվել է ոստիկանության Ախուրյանի բաժին: Նրա խուզարկությամբ իրավապահները հայտնաբերել են կանեփանման զանգված: Ձերբակալվածի հայտնածով՝ այն մարիխուանա է:
Տղամարդը ներկայացվել է Ախուրյանի քննչական բաժին: Հանգամանքները նախաքննությամբ պարզվում են: