Շիրակի մարզում ոստիկանները խոշոր չափի թմրանյութ են հայտնաբերել

Ոստիկանության Անիի բաժնում տեղեկություններ էին ստացվել, որ Մարալիկ քաղաքի 34-ամյա մի բնակիչ թմրամիջոց է պահում և օգտագործում։

Հոկտեմբերի 5-ին կասկածվողը բերման է ենթարկվել ոստիկանության Անիի բաժին։ Նրա տանը կից կառույցում կատարված զննությամբ ոստիկանները հայտնաբերել են թղթե արկղով կես կիլոգրամից ավելի դեղնականաչավուն չորացված, մանրացված, յուրահատուկ հոտով բուսական զանգված և նույն բույսի չորացված ցողուններ։

Ըստ 34-ամյա տղամարդու՝ հայտնաբերվածն իրենն է, քաղել է վայրաճ կանեփի թփերից ու թմրամիջոցը պատրաստել է իր օգտագործման համար։ Հանգամանքները պարզվում են։ Նշանակվել է դատաքիմիական փորձաքննություն: Փաստի առթիվ նախապատրաստվում են նյութեր:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Related posts

4 անձի սպանություն կատարած անձը դատապարտվել է ցմահ ազատազրկման

Երևանում աղբահանության վճարների համար արտոնություններ կտրամադրվեն. ովքեր են շահառուները

«Ճանապարհային դեպարտամենտ» հիմնադրամի աշխատակիցները չափագրումներ են իրականացրել Շիրակի մարզում