Օգոստոսի 12-ին գյումրեցի մի տղամարդ ոստիկանության Ախուրյանի բաժին հաղորդում էր տվել, որ Գետք գյուղում բնակվող եղբոր որդու տնից գողություն են արել։
Տանտերերը ՌԴ-ում էին։ Բնակարանագողն էլ, օգտվելով նրանց բացակայությունից, գողացել էր տան մուտքի և միջսենյակային դռները, սղոց, տակառ, կացին, տանիքի փայտե հենասյունը։
Դեպքի վայր մեկնած իրավապահներն ուսումնասիրեցին տան տարածքը, բնակիչների շրջանում օպերատիվ հարցումներ արեցին, որոնց արդյունքում տեղեկություններ ստացվեցին, որ բնակարանային գողությունը հնարավոր է կատարած լինի Գյումրիի Շահինյան փողոցի 45-ամյա մի բնակիչ։ Բացատրական աշխատանքի արդյունքում նա ներկայացավ ոստիկանության Ախուրյանի բաժին և տվեց խոստովանական բացատրություն:
Գողոնը հայտնաբերվել է:
Փաստի առթիվ նախապատրաստվում են նյութեր։
`Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: