Oգոստոսի 7-ին ոստիկանություն զանգած Շիրակի մարզի Լուսաղբյուր գյուղի բնակիչներից մեկը հայտնեց, որ նույն օրը գյուղի ֆուտբոլի դաշտի մոտակայքից գողացել են 2 հորթ, որոնք կապված են եղել։
Ոստիկանության Անիի բաժնի ծառայողների ձեռնարկած միջոցառումների արդյունքում տեղեկություն ստացվեց, որ հանցագործությունը կատարվել է արծաթագույն «Օպել» մեքենայով, համարանիշերը նշված մեքենայինը չեն, իսկ գողոնը տեղափոխվում է Սպիտակ:
Համագործակցելով ոստիկանության Արթիկի և Սպիտակի բաժնի ծառայողների հետ, գողությունը կատարելու կասկածանքով, Սպիտակ քաղաքի Շիրակի խճուղուց ոստիկանություն բերման ենթարկվեց 31-ամյա մի տղամարդ՝ իր կողմից շահագործվող «Օպելով», որի սրահում կար երկու հորթ:
Փաստի առթիվ հարուցվել է քրեական գործ, կատարվում է նախաքննություն:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: