Ադրբեջանի նախագահ Իլհամ Ալիևն ընդունել է Գերմանիայի նորանշանակ արտակարգ և լիազոր դեսպան Դիրկ Լյոլկեին: Կողմերն անդրադարձել են երկկողմ գործակցության ուղղություններին, ինչպես նաև Ադրբեջանի և Եվրամիության հարաբերություններին, ընդգծվել է վերջին շրջանում այդ կապերի զարգացման դրական դինամիկան:
Քննարկվել են նաև Արևելք-Արևմուտք տրանսպորտային միջանցքը, ապագայում գերմանական ընկերությունների կողմից այդ երթուղին օգտագործելու հնարավորությունները:
Անդրադառնալով Հայաստանի հետ հարաբերություններին՝ Ալիևը հայտարարել է, որ Բաքուն շարունակելու է ջանքերը խաղաղության օրակարգի առաջմղման ուղղությամբ, և որ տարածաշրջանում խաղաղությունն արդեն անշրջելի է:
Դեսպանն էլ շնորհավորել է Ալիևին Վաշինգտոնյան գագաթնաժողովի առաջին տարեդարձի կապակցությամբ: