«Նվիրում». այս խորագրի ներքո երաժշտական յուրահատուկ երեկո է տեղի ունեցել Գյումրիում: Հարազատ քաղաքին նվիրված համերգային ծրագիրը մեկ բեմում համախմբել էր Գյումրու սիմֆոնիկ նվագախումբն ու հայկական երաժշտության խորհրդանիշներից մեկը՝ քանոնը: Դասական և ազգային հնչյունների համադրությամբ երաժիշտները հանդիսատեսին ներկայացրին երաժշտական մի ճանապարհորդություն, որն արտահայտում էր սեր, երախտագիտություն և նվիրում հայրենի քաղաքին: