Վերանորոգման մեծածավալ աշխատանքներ Մարիամ եւ Երանուհի Ասլամազյան քույրերի պատկերասրահում կատարվել են դեռեւս 2004 թվականին, որից հետո պատկերասրահը 620 բնօրինակ աշխատանքներով վերաբացվել է։ Չնայած տարիների ընթացքում որոշակի վերանորոգումներին՝ վերջին տարիներին հատկապես պատկերասրահի պատշգամբի վատթար վիճակը չնկատել հնարավոր չէր։ Քննարկումներ, որոշումներ խնդրի կարգավորման շուրջ շատ են եղել, պակաս չեն եղել նաեւ թղթին մնացած հատկացումները։ Իսկ արդեն այս տարի կառավարության եւ համայնքի ներդրումներով մեկնարկել են պատշգամբի հիմնովին վերանորոգման աշխատանքներ։