Հունվարի 17-ին ավտովթար է տեղի ունեցել Երևանում։ Ժամը 19:30-ի սահմաններում Երևանի բնակիչ 36-ամյա Ավետիք Դ.-ն իր վարած «Nissan» մակնիշի ավտոմեքենայով բախվել է բազալտե եզրաքարին և գլխիվայր շրջվելով՝ մասամբ հայտնվել ճանապարհի մեջտեղում։
Shamshyan.com-ի հաղորդմամբ, վթարի հետևանքով ըստ նախնական տեղեկությունների, տուժածներ չկան։
Վարորդը տեղում ենթարկվել է սթափության փորձաքննության, եղել է սթափ։
Ըստ վարորդի հայտարարության՝ վթարի պատճառը եղել է «Mercedes» մակնիշի ավտոմեքենայի վարորդի կողմից վթարային իրավիճակ ստեղծելը, ով այնուհետև դեպքի վայրից հեռացել է։
Պարեկային ծառայությունը պարզում է նաև այդ տեղեկատվությունը։