Վարչապետ Նիկոլ Փաշինյանն այցելել է Սուրբ Գրիգոր Լուսավորիչ եկեղեցի:
Բալթյան երկրների հայոց թեմի առաջնորդ Գերաշնորհ Տ. Վազգեն արքեպիսկոպոս Միրզախանյանի ուղեկցությամբ վարչապետը շրջել է եկեղեցում և ծաղիկներ խոնարհել եկեղեցու բակում դրված խաչքարի մոտ:
Մատուցվել է եկեղեցական կարգ:
Պատվիրակության կազմում են ՀՀ ԿԳՄՍ նախարար Ժաննա Անդրեասյանը, ԱԺ պատգամավոր, Առողջապահության հարցերի մշտական հանձնաժողովի նախագահ Արսեն Թորոսյանը, Բարձր տեխնոլոգիական արդյունաբերության փոխնախարար Գևորգ Մանթաշյանը:
Վաղը սպասվում է Նիկոլ Փաշինյանի հանդիպումը Էստոնիայի վարչապետ Քրիստեն Միխալի, Էստոնիայի նախագահ Ալար Կարիսի, Էստոնիայի խորհրդարանի՝ Ռիիգիկոգուի նախագահ Լաուրի Հուսարի և արտաքին գործերի նախարար Մարգուս Ցահքնայի հետ:
Ավելի վաղ հայտնել էինք՝ այցի շրջանակում նախատեսված է նաև հանդիպում Էստոնիայում հայ համայնքի ներկայացուցիչների հետ: