Ես հաստատում եմ՝ լրագրողների հետ զրույցում ասել է ԱԺ նախագահ Ալեն Սիմոնյանը՝ անդրադառնալով վարչապետ Նիկոլ Փաշինյանի՝ Թուրքիա մեկնելու վերաբերյալ հարցին:
«Վարչապետի այցը Թուրքիա պատմական է, որովհետև ՀՀ ղեկավարն առաջին անգամ նման մակարդակի այց է իրականացնելու։ Թուրքիայի նախագահի կողմից հրավեր է եղել՝ երկկողմ ֆորմատով»,- ասաց Ալեն Սիմոնյանը։
«Պատերազմի հետ կապված ռիսկերը այսօր մինիմալ են, և մենք պետք է աշխատենք որ ընդհանրապես դրանք չեզոքացնենք: ՀՀ կառավարությունը այդ ուղղությամբ գործուն քայլեր է անում: Ես համարում եմ, որ նման գործուն քայլերից մեկը վարչապետի նախատեսվող այցն է Թուրքիա»,- նշեց ԱԺ նախագահը: