Ներկայացուցիչների պալատի ներկայիս խոսնակ Նենսի Փելոսին ընտրությունների արդյունքներով կմտնի Կոնգրեսի նոր կազմ, կանխատեսել է NBC News-ը։
Ինչպես նշել է հեռուստաալիքը, Սան Ֆրանցիսկո քաղաքի իր օկրուգում Փելոսին ձայների 82 տոկոսով հաղթում է հանրապետական թեկնածուին։
Փելոսին Ներկայացուցիչների պալատում է 1987-ից, Կոնգրեսում հաջորդ ժամկետի վերջին նա կլինի 84 տարեկան, որոնցից 37-ը՝ օրենսդրի գործունեություն իրականացնելով։ Եթե հանրապետականները պալատում զբաղեցնեն աթոռների մեծ մասը, խոսնակ կընտրվի նրանց կուսակցության ներկայացուցիչներից։