Նենսի Փելոսին լքում է ԱՄՆ Ներկայացուցիչների պալատի Դեմոկրատական կուսակցության խմբակցության ղեկավարի պաշտոնը։ Այդ մասին նա հայտարարել է հինգշաբթի օրը՝ ելույթ ունենալով օրենսդիր մարմնի ստորին պալատի նիստում։
«Մեր խմբակցության նկատմամբ մեծ վստահությամբ հանդերձ, ես չեմ ձգտի վերընտրվել որպես դեմոկրատների առաջնորդ Կոնգրեսում: Ժամանակն է, որ նոր սերունդը ղեկավարելի խմբակցությունը»,- ասել է Փելոսին։
Այնուամենայնիվ, նա չի անցնում թոշակի, շարունակելու է աշխատել Կոնգրեսի ստորին պալատում։
Ներկայիս Կոնգրեսում Փելոսին զբաղեցնում է Ներկայացուցիչների պալատի խոսնակի պաշտոնը: Սակայն նոյեմբերի 8-ին կայացած միջանկյալ ընտրություններում դեմոկրատները կորցրել են մեծամասնությունը Ներկայացուցիչների պալատում, վերահսկողությունն անցնում է Հանրապետական կուսակցությանը։
Կոնգրեսի ստորին պալատի հաջորդ խոսնակը կլինի հանրապետական։ Ինչպես և սպասվում էր, շուտով այս պաշտոնը կզբաղեցնի Քևին Մաքքարթին, ով մինչ այժմ եղել է Ներկայացուցիչների պալատի հանրապետական փոքրամասնության ղեկավարը։