Առանցքային հարցերից մեկը, որը քննարկվելու է ՆԱՏՕ-ի առաջիկա գագաթնաժողովում, Ուկրաինային ռազմական օգնության հարցն է՝ հայտնում է Politico պարբերականը՝ վկայակոչելով դիվանագիտական աղբյուրները:
Հաղորդվում է, որ ՆԱՏՕ-ի երկրները քննարկում են Ուկրաինային 70 մլրդ եվրոյի չափով ռազմական օգնության նոր փաթեթ տրամադրելու հնարավորությունը: Սպասվում է, որ այդ մասին կհայտարարվի դաշինքի գագաթնաժողովում, որը տեղի կունենա հաջորդ ամիս Անկարայում:
Պարբերականի տեղեկություններով՝ անցյալ ամիս Գերմանիայի կողմից առաջ քաշված առաջարկը նախատեսում է նոր մեխանիզմի ստեղծում, որն ուղղված է Ուկրաինայի ֆինանսավորման թափանցիկության բարձրացմանը: