Ռուսաստանը Հայաստանին առաջարկում է միջուկային էներգաբլոկի տարբերակների լայն շրջանակ՝ խոշոր ռեակտորներից մինչև ցածր էներգիայի մոդուլներ:
Այս մասին ասել է Հայաստանում ՌԴ դեսպան Սերգեյ Կոպիրկինը Հայկական ԱԷԿ-ի ղեկավարության հետ հանդիպմանը։
«Դուք նշեցիք նոր միջուկային էներգաբլոկների կառուցման հարցը: Ռուսական կողմից, որքան գիտեմ, առաջարկներ կան ամբողջ գծի վրա: Ե՛վ մեծ ռեակտորի վերաբերյալ՝ մանրամասն հիմնավորված և տեխնիկական ու տնտեսական, և՛ ցածր էներգիայի մոդուլների վերաբերյալ: Եվ ես կարիք չունեմ ձեզ ասելու, որ «Ռոսատոմ»-ն այստեղ եզակի իրավասություն ունի: Կա լողացող, արդեն գործող համապատասխան կայանը»,- ասել է Կոպիրկինը:
Դեսպանի խոսքով՝ ավելի ընդգրկուն առաջարկ կա, եթե հայկական կողմն ընդունի բարձր հզորության միավորի տարբերակը ։
«Ինչպես գիտեք, մենք պատրաստ ենք տարբեր տարբերակների՝ հայկական կողմի ընտրությանը համապատասխան, և այստեղ հարցեր չկան»,- նշել է Կոպիրկինը։
«Ռիա նովոստի»-ի փոխանցմամբ՝ խոսելով գործող ատոմակայանի շահագործման ժամկետի երկարացման աշխատանքների մասին՝ ՌԴ դեսպանը կարևորել է լրացուցիչ դժվարությունների կանխումը, որոնք կարող են ազդել ծառայության ժամկետի վրա՝ կապված հանրապետության միջուկային անվտանգության ոլորտում եվրոպական ստանդարտների ինտեգրման գծի հետ։
Իր հերթին ԱԷԿ-ի գլխավոր տնօրեն Էդուարդ Մարտիրոսյանը դեսպանին պատմել է գործող էներգաբլոկի շահագործման ժամկետը երկարացնելու աշխատանքների և 2026 թվականից հետո այն շահագործելու թույլտվություն ստանալու համար փաստաթղթերի պատրաստման մասին։
Նրա խոսքով, գործող հայկական ատոմակայանը անխափան էներգամատակարարում է Հայաստանի ողջ արդյունաբերության գրեթե 30-40%-ին։ Մարտիրոսյանը տեղեկացրել է նաև, որ, ամենայն հավանականությամբ, հաջորդ տարի հանրապետությունում կորոշվի նոր էներգաբլոկի մոդելը։