Ռուսաստանն ԱՄՆ 200 քաղաքացու մուտքի արգելք է սահմանել՝ ի պատասխան ռուս պաշտոնյաների, գործարար շրջանակների և հասարակության ներկայացուցիչների, մշակութային գործիչների և այլ անձանց նկատմամբ Ջո Բայդենի վարչակազմի կողմից մշտապես սահմանվող անձնական պատժամիջոցների: Այս մասին նշված է ՌԴ ԱԳՆ հաղորդագրության մեջ:
Գերատեսչությունից հայտնել են, որ ցուցակում են հայտնվել ԱՄՆ իշխանության գործադիր մարմինների ներկայացուցիչներ, օրենսդիրներ, նրանց մերձավոր ազգականներ, ռազմարդյունաբերական ընկերությունների և ձեռնարկությունների ղեկավարները, փորձագետներ ու լոբբիստներ, «որոնք ներգրավված են ռուսատյաց արշավի առաջխաղացման և Կիևի ռեժիմին աջակցության գործում»: