Մոսկվայի Կոմսոմոլսկայա հրապարակում ծաղկի պահեստում բռնկված հրդեհի զոհերի թիվը հասել է 7-ի։ Այս մասին ՌԻԱ Նովոստի-ին հայտնել են արտակարգ ծառայություններում։
Ավելի վաղ հաղորդվել էր վեց զոհի և մեկ վիրավորի մասին։
Երեկ՝ նոյեմբերի 20-ին, հրդեհ է բռնկվել աղյուսից պատրաստված երկհարկանի պահեստում, որի մակերեսը կազմում է 2,5 հազար քմ:
Հրդեհը մարվել է ինը ժամ անց։ ՌԴ ՔԿ-ն դեպքի առնչությամբ գործ է հարուցել: Ըստ քննիչների՝ հրդեհը տեղի է ունեցել, ի թիվս այլ բաների, հրդեհային անվտանգության կանոնների խախտման պատճառով։