Մոսկվայի երեք օդանավակայաններում ավելի քան 160 չվերթ է հետաձգվել թռիչքի և վայրէջքի սահմանափակումների պատճառով․ հայտնել է Մոսկվայի միջտարածաշրջանային տրանսպորտային դատախազությունը:
- «Դոմոդեդովո» – 71 չվերթ,
- «Շերեմետևո» – 72 չվերթ,
- «Վնուկովո» – 19 չվերթ:
«Ռոսավիացիայից» էլ հայտնել են, որ ավելի քան 80 ինքնաթիռ, որոնք մայիսի 21-22-ը պետք է թռչեին Մոսկվայի շրջանի օդանավակայաններ, սահմանափակումների պատճառով ստիպված վայրէջք են կատարել պահեստային օդանավակայաններում։
«Մոսկվայի ժամանակով ժամը 7:00-ի տվյալներով՝ պահեստային օդանավակայաններում մայիսի 21-22-ը վայրէջք է կատարել 82 ինքնաթիռ», – ասված է գերատեսչության հաղորդագրության մեջ։