Ցանկանում եմ հանրությանը տեղեկացնել, որ Վրաստանի երրորդ նախագահը՝ հետախուզման մեջ գտնվող Միխայիլ Սաակաշվիլին, ձերբակալվել է։ Այս մասին հրավիրված հատուկ ճեպազրույցում հայտարարել է Վրաստանի վարչապետ Իրակլի Ղարիբաշվիլին, հաղորդում է Վրաստանի Առաջին ալիքը: «Մեր իրավապահները ամենաբարձր մակարդակով իրականացրել են հետախուզվող Միխայիլ Սաակաշվիլիին ձերբակալելու գործողությունը: Իրավապահ մարմինները նախնական տեղեկություններ ունեին Ուկրաինայից Վրաստան նրա տեղաշարժի մասին, և այս գործընթացը լիովին վերահսկվում էր»,- ասել է Ղարիբաշվիլին: