Ավելի քան 20 մարդ տուժել է Արգենտինայի մայրաքաղաք Բուենոս Այրեսում: Թատրոնից դուրս եկած մարդիկ կանգնած են եղել փողոցի հետիոտնային հատվածում, երբ մեքենան հետ գնալով մխրճվել է նրանց մեջ, հայտնում է TN-ը։
Տուժածներից ոմանք կարողացել են ինքնուրույն ոտքի կանգնել, իսկ մյուսները մնացել են մեքենայի տակ։
«Վարորդը կորցրել է կառավարումը և մեքենայով դուրս է եկել թատրոնի դիմացի տարածք, 23 մարդ վիրավորվել է, որոնցից երեքի վիճակը ծանր է»,- հայտնում է աղբյուրը։
Մեքենան ձևափոխված էր հաշմանդամություն ունեցող անձանց վարելու համար: