Կառավարության նիստի ընթացքում ՀՀ վարչապետ Նիկոլ Փաշինյանն անդրադարձավ պղնձի ու մոլիբդենի խտանյութի արտահանման պետտուրքի թեմային:
«Այդ որոշումն իրեն արդարացրեց: Այն կգործի այնքան ժամանակ, մինչև մենք ռոյալթիի նոր համակարգ կներդնենք: Ընդ որում՝ համակարգը ճկուն կլինի: Գների բարձրացման դեպքում այն կպաշտպանի հանրության շահերը, գների անկման դեպքում կպաշտպանի բիզնեսի շահը»,- ասաց Փաշինյանը:
Վարչապետը նշեց, որ 2021 թվականի կարևոր արդյունքներից մեկն այն է, որ ՀՀ կառավարությունն առաջին անգամ Զանգեզուրի պղնձամոլիբդենային կոմբինատի համասեփականատեր է:
«Ըստ էության, մենք և՛ հանրության շահի հետ ենք օրգանապես կապված, և՛ ոլորտի շահի հետ: Այնպես որ մեր որոշումները լիարժեք հավասարակշռված են»,- ասաց Փաշինյանը: