Ես կարող եմ ասել, որ այն տեղեկությունները, որոնք մենք իմացանք, և տեսանք այն տեսարանները, դրանք, իհարկե, մտահոգիչ են, բայց նաև պետք է արձանագրեմ, որ մենք իրավիճակին մոտենում ենք առաջին հերթին չվնասելու տրամաբանությամբ: Մեր դիվանագիտական շփումներում, մեր դիվանագիտական օրակարգում այդ հարցը մշտապես ներկա է, և մենք շարունակելու ենք այդ ուղղությամբ մեր ջանքերը, որպեսզի հասնենք արդյունքի: Այդ մասին ԱԺ-Կառավարություն հարցուպատասխանի ժամանակ ասաց ՀՀ վարչապետ Նիկոլ Փաշինյանը՝ պատասխանելով «Հայաստան» խմբակցության պատգամավոր Լիլիթ Գալստյանի՝ Բաքվում պահվող հայերի մասին հարցին: