ԱՄՆ նախագահ Դոնալդ Թրամփը հայտնել է, որ հեռախոսով զրուցում է Ռուսաստանի նախագահ Վլադիմիր Պուտինի հետ։ Նրա խոսքով՝ խոսակցությունը երկար է լինելու:
«Ես հիմա խոսում եմ նախագահ Պուտինի հետ։ Զրույցը շարունակվում է, այն երկար կտևի, և ես, ինչպես և նախագահ Պուտինը, դրա բովանդակության մասին կխոսեմ դրա ավարտից հետո»,- գրել է ԱՄՆ նախագահը Truth Social-ի իր էջում։
Հիշեցնենք, որ վաղը՝ հոկտեմբերի 17-ին, նախատեսված են Թրամփի բանակցությունները Ուկրաինայի նախագահ Վլադիմիր Զելենսկու հետ։