Գյումրու ֆուտբոլի ակադեմիայում են մարզվում «Շիրակ» ակումբի մարզադպրոցի 2009 թվականին ծնված ֆուտբոլիստները մարզիչ Արա Մկրտչյանի գլխավորությամբ: Անցած մրցաշրջանի արդյունքներն ամփոփելով` Արան կարեւորեց այն հանգամանքը, որ դեռահաս ֆուտբոլիստները պաշտոնական հանդիպումների մեծ փորձ ձեռք բերեցին, միաժամանակ ապացուցեցին, որ կարող ուժ են: Դա է վկայում ամփոփիչ աղյուսակում զբաղեցրած հորիզոնականը: