«Հայաստան» մարզական կազմակերպության Գյումրու բռնցքամարտի մանկապատանեկան մարզադպրոցի սաները հաջող մրցելույթներ ունեցան մարզային կրտսեր տարիքի պատանեկան առաջնությունում՝ նվաճելով 5 ոսկե մեդալ: Սա 13-14 տարեկան բռնցքամարտիկների առաջին պաշտոնական փորձությունն է, ու նրանց անձնական մարզիչ Գագիկ Բոյանը համոզված է, որ նրանցից յուրաքանչյուրը թեեւ շատ բան ունի սովորելու, սակայն լավ սկիզբը ոգեւորիչ է ու չեմպիոն դառնալն անհամեմատ հեշտ է կոչումը պահպանելուց: