Նախօրեին մանկապարտեզներից մեկում սննդային թունավորման նշաններով Արտաշատի ԲԿ տեղափոխված 16 սաներից երկուսն արդեն դուրս են գրվել: Այս մասին տեղեկացնում են ՀՀ առողջապահության նախարարությունից:
«Ժամը 12:00-ի դրությամբ` հոսպիտալացված է 14 երեխա, նրանց վիճակը գնահատվում է կայուն, միջին ծանրության»,- ասված է հաղորդագրության մեջ:
Ավելի վաղ տեղեկացրել էինք, որ սննդային թունավորմամբ հիվանդանոց է տեղափոխվել մանկապարտեզներից մեկի 14 սան: