Դերասան և մարտարվեստի վարպետ Չակ Նորիսը մահացել է։
Այս մասին հայտնել է նրա ընտանիքը։
Նորիսը մահացել է մարտի 19-ին: Նա 86 տարեկան էր:
Ընտանիքը Չակ Նորիսի երկրպագուներին խնդրել է հարգել ընտանիքի անձնական կյանքը սգո ժամանակահատվածում՝ նշելով, որ մահվան հանգամանքների մասին չեն նախընտրում խոսել:
Մեկ օր առաջ Նորիսը հոսպիտալացվել էր Հավայան կղզիներում: TMZ-ի տվյալներով՝ դերասանը Կաուայի կղզու հիվանդանոց է տեղափոխվել բժշկական արտակարգ իրավիճակի պատճառով: Այլ մանրամասներ չեն հրապարակվել:
Նորիսը իր ծննդյան օրը՝ մարտի 10-ին, սոցցանցի էջում հրապարակել էր իր մասնակցությամբ տեսանյութ և գրել․
«Ես չեմ ծերանում։ Ես ավելի լավն եմ դառնում։ Այսօր ես 86 տարեկան եմ։ Արևոտ օրվա զվարճանքից լավ բան չկա, որ ինձ երիտասարդ զգամ։ Ես շնորհակալ եմ ևս մեկ տարվա, լավ առողջության և այն ամենը շարունակելու հնարավորության համար, որը սիրում եմ»։