Լեռնային Ղարաբաղում հակամարտության քաղաքական կարգավորումը հնարավոր է, հայտարարել է Ռուսաստանի ԱԳՆ ղեկավար Սերգեյ Լավրովը ռուսական ռադիոկայաններին տված հարցազրույցում, հաղորդում է РИА Новости-ն:
«Իհարկե, հնարավոր է քաղաքական կարգավորում: Առաջարկությունները, որոնք ԵԱՀԿ Մինսկի խմբի համանախագահները մշակել են և շարունակում են մշակել, մնում են բանակցությունների սեղանին», – ասել է նա:
«Դրանց բովանդակությունն արդեն հայտնի է. Սա Ղարաբաղի շուրջ շրջանների աստիճանական ազատումն է՝ Ղարաբաղի անվտանգության երաշխիքների պահպանմամբ մինչև Ղարաբաղի վերջնական կարգավիճակի որոշումը, հուսալի կապը Հայաստանի և Ղարաբաղի միջև», – ասել է նա: