Հարյուրավոր չվերթեր են չեղարկվել, հազարավոր ուղևորներ մնացել են Փարիզի և Ամստերդամի օդանավակայաններում: Միայն Ամստերդամի «Սխիպհոլ» օդանավակայանում չորեքշաբթի չեղարկվել է ավելի քան 400 չվերթ:
Ֆրանսիայի տրանսպորտի նախարար Ֆիլիպ Տաբարոն հայտարարել է, որ չորեքշաբթի երկրում սպասվում է ավելի առատ ձյուն: Նա կոչ է արել մարդկանց սահմանափակել ճանապարհորդությունները և հնարավորության դեպքում աշխատել տանից:
Ֆրանսիայի ազգային օդերևութաբանական ծառայությունը ձյան և սառույցի պատճառով 38 դեպարտամենտում հայտարարելու է եղանակի նարնջագույն վտանգի մասին: Մի քանի շրջանում չեղարկվել են բազմաթիվ գնացքների ծառայություններ:
Բալկաններում նույնպես գրանցվել են ձյան առատ տեղումներ և հորդառատ անձրևներ, կա մեկ զոհ: