Առատ տեղումներ ու ձյան հաստ շերտ: Գյումրիում գիշերվանից տեղումները չեն դադարում, ձյան շերտի բարձրությունը որոշ հատվածներում հասնում է մինչեւ 15-18 սմ-ի: Մարզում ձյան մաքրման, փողոցների աղուավազով մշակման աշխատանքներն իրականացվում են 4 կազմակերպությունների կողմից. 16 միավոր տեխնիկա է գիշերվանից աշխատում ճանապարհների մաքրման համար: Գյումրիում եւս գիշերվանից են մեկնարկել ձյան մաքրման ու փողոցների մշակման աշխատանքները. եղանակի պատճառով Գյումրու կոմունալ ծառայությունը գործի է դրել ամբողջ ներուժը: