Հրդեհ բնակարանում

Փետրվարի 27-ին, ժամը 20։36-ին Ճգնաժամային կառավարման ազգային կենտրոն ահազանգ է ստացվել, որ Երևանի Ավան Առինջ թաղամասի 2/14 շենքի 4-րդ հարկից ծուխ է նկատվում։

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ, մեկ ավտոսանդուղք, Ճգնաժամային կառավարման ազգային կենտրոնի օպերատիվ խումբը և Հոգեբանական աջակցության բաժնի հերթապահ հոգեբանը։

Պարզվել է, որ հրդեհը բռնկվել է Ավան Առինջ թաղամասի 1 միկրոշրջանի թիվ 2/14 շենքի բնակարաններից մեկում (մոտ 75 քմ)։

Մինչ փրկարարների՝ կանչի վայր հասնելը քաղաքացի Մ․ Ա․-ին տեղի ուժերով դուրս են բերել և մոտեցրել շտապօգնության ավտոմեքենային․ վերջինս դեմքի հատվածում ստացած այրվածքներով հոսպիտալացվել է «Այրվածքաբանության ազգային կենտրոն» ՓԲԸ, որտեղ ստանալով համապատասխան բուժօգնություն՝ դուրս է գրվել։

Հրշեջ-փրկարարները հրդեհը մեկուսացրել են ժամը 21։17-ին, մարվել՝ 21։27-ին։ Այրվել են հյուրասենյակը գույքով՝ մոտ 30 քմ, նախասրահը (8 քմ) և գրապահարան՝ գրքերով, 4 միջսենյակային դուռ՝ մասամբ, ջերմահարվել՝ լոգասենյակը և խոհանոցը։

 

 

Related posts

Վերջին 3 օրերին վրացական Գեզի մաքսակետից դուրս է եկել և Վերին Լարս է գնացել կոնյակով բեռնված 69 բեռնատար

Այս անգամ մեդիատեռորիստների ձեռքերը հասել են ֆրանսիական մամուլին. Վահագն Ալեքսանյան

Ֆրանսիական ընկերության կողմից իբրև թե Հայաստան տեղափոխված միջուկային վառելիքի թափոնների վերաբերյալ հոդվածը ապատեղեկատվություն է. ՇՄ նախարարություն