Հռոմի Ֆրանցիսկոս պապը վիրուսային բրոնխիտի պատճառով եռօրյա հոսպիտալացումից հետո դուրս է գրվել Հռոմի Ջեմելլի հիվանդանոցից: Այս մասին հայտնել են Սուրբ Աթոռի մամուլի ծառայությունից:
Նշվում է, որ հետազոտությունների արդյունքում լուրջ հիվանդություններ չեն հայտնաբերվել. բժիշկները հակաբիոտիկներով բուժում են նշանակել:
Հիվանդանոցից դուրս գալուց հետո Ֆրանցիսկոս պապը խոսել է լրագրողների և հավատացյալների հետ: Նա ասել է, որ չորեքշաբթի օրը իրեն լավ չի զգացել, բայց հիմա արդեն լավ է: